ინგა გრიგოლიამ და გიორგი გაბუნიამ ივანიშვილისთვის ვერ მოიცალეს

0
362
დღეს არჩევნებამდე ერთი კვირით ადრე „ქართული ოცნების“ თავმჯდომარე, ყოფილი პრემიერ-მინისტრი ბიძინა ივანიშვილი  საჯარო განცხადების გაკეთებას  და  წამყვანი არხების სამი ჟურნალისტვისთვის  ვრცელი ინტერვიუს მიცემას გეგმავს. თუმცა, როგორც გუშინვე გაირკვა, მის მიერ პერსონალურად მიწვეული სამი ჟურნალისტიდან ორი – ინგა გრიგოლია და გიორგი გაბუნია ამისთვის ვერ მოიცლიან,  ამრიგად მიწვევა  მხოლოდ  ტვ იმედის ჟურნალისტმა ირაკლი ჩიხლაძემ მიიღო
.
 მიწევევას ინტერვიუზე, ინგა გრიგოლია სოციალურ ქსელში გამოეხმაურა. ჟურნალისტის თქმით, მას სამშაბათს გადაცემის ჩაწერა აქვს და ამის გამო, ინტერვიუზე წასვლას ვერ მოახერხებს.
 
„გამარჯობა მეგობრებო. რადგან ამდენი ადამიანი მირეკავს და მეკითხება, მივდივარ თუ არა ხვალ ბიძინა ივანიშვილის ინტერვიუზე, ბარემ აქვე დავწერ, სიამოვნებით წავიდოდი, რადგან მგონია, რომ საინტერესო ბრიფინგი იქნება, მაგრამ ხვალ 20.00-ზე მეწყება გადაცემა ,,რეაქცია“ რომელიც გრძელდება ზუსტად იმ დრომდე, როცა იწყება ბიძინა ივანიშვილის ინტერვიუ ჟურნალისტებთან. ფიზიკურად ვერ მოვახერხებ, ამიტომ ტვ ,,პირველი“ გადაწყვეტს, ვინ მიიღებს მონაწილეობას ჩვენგან ამ შეხვედრაში. მადლობა ყურადღებისთვის p.s– ჩავამატებ ბარემ, ნებისმიერ დროს სიამოვნებით ავიღებ ინტერვიუს მისგან“,- წერს გრიგოლია.
 
 
რუსთავი-2-ის გენერალური დირექტორი ნიკა გვარამია  აცხადებს, რომ ბიძინა ივანიშვლთან ინტერვიუზე ვერ წავა წამვანი გიორგი გაბუნია და ვერც პირდაპირ ეთერში ჩართავენ რესპონდენტს:
“გიორგი გაბუნიას აქვს ხვალ საავტორო გადაცემა “არჩევანი”, შესაბამისად იგი ვერ შეძლებს იქ ყოფნას. შეთავაზება თუ ძალაშია, ეკა კვესიტაძის გაგზავნას ვაპირებთ ამ ინტერვიუზე. უბრალოდ ძალიან უხერხულია, როდესაც საზოგადოებრივი არ არის მიწვეული. დიდი გულშემატკივარი კი არ ვარ მაგ არხის, მაგრამ უხერხულია უბრალოდ. ასევე სხვა არხებიც. რატომ არ უნდა იყოს “კავკასია”?! თუ ვინმეა ამ ქვეყანაში ჟურნალისტი და შეუძლია შეკითხვების დასმა მწვავედ და საინეტერესოდ, ეს ნინო ჯანგირაშვილია. ეს ჩვენ ძალიან გვაშფოთებს. ლაივი რა თქმა უნდა არ იქნება. არ არის ივანიშვილი დიდი ინტერესის სფერო. რას ილაპარაკებს ივანიშვილი საარჩევნოდ, საპროგრამო სიტყვას თუ ასე შემდეგ. თუ მას უნდა ლაივში მწვავე მწვავე ინტერვიუ. გვაქვს ჩვენი ფორმატი, ეს არის “კვირის აქცენტები”. მე და ეკა კვესიტაძე დიდი სიამოვნებით მივიღებთ მას. მას არ ექნება მსუბუქი გასეირნება, ეს იქნება საინტერესო მისთვისაც, ჩვენთვისაც მაყურებლისთვისაც”, – განაცხადა ნიკა გვარამიამ .
წინა სტატია,,ქართული ოცნების“ დეპუტატს გიორგი კახიანს სახლიდან ტელევიზორი მოპარეს
შემდეგი სტატიაგრიგოლ ვაშაძის კითხვებმა სალომე ზურაბიშვილი კუთხეში მიამწყვდია
ტელეკომპანია ოდიშის საინფორმაციო სამსახური