გიგა მაქარაშვილი: ოკუპანტებს თბილისში ქვეყნისთვის საზიანო თემების კომფორტულად განხილვის უფლებას არ მივცემთ

0
407
დიმიტრი მედვედევის განკარგულებით შექმნილი გორჩაკოვის ფონდის მიერ თბილისში დაგეგმილ ე.წ. ახალგაზრდა დიპლომატთა ფორუმი საპროტესტო აქციების ფონზე ჩაივლის.
 
დიპლომატთა ფორუმს დიდუბე პლაზა ორი დღის განმავლობაში უმასპინძლებს. დიდუბე პლაზასთან და სხვადასხვა ადგილებზე სამოქალაქო აქტივისტებმა აქციები და საპროტესტო გამოსვლები უკვე დაგეგმეს. მოძრაობის "რუსეთი ოკუპანტია" აქტივისტები ამბობენ, რომ ისინი ყველაფერს გააკეთებენ, რათა საქართველოს მტრებს კომფორტულად ქვეყნისთვის საზიანო თემების განხილვის უფლება არ ჰქონდეთ.
 
„ენით აღუწერელი სითავხედეა, რომ თბილისში აპირებენ ამ ფორუმის გაკეთებას. ჩამოდის საკმაოდ დიდი დელეგაცია მტერი ქვეყნიდან აუცილებლად დავხდებით, ჯერ აეროპორტში, სასტუმროსთან დავხვდებით, ზუსტად ვიცით სად არიან.
 
ყოველგვარი აგრესიისა და პროვოკაციის გარეშე და შევეცდებით, რომ მათ ეს ფორუმი არ ჩაატარონ“-ამბობს სამოქალაქო აქტივისტი გიგა მაქარაშვილი
 
მესამე სექტორი თბილისში დაგეგმილ გორჩაკოვის ფონდის ფორუმს აფასებს  როგორც რუსული პროპაგანდის ნაწილს  და  სვამს კითხვას: ,, საინტერესოა ვინ უწყობს ამას ხელს ქართული მხარიდან და ვის ინტერესებში შეიძლება შედიოდეს?.  სამოქალაქო სექტორში თვლიან, რომ შესაბამისი სტრუქტურები მსგავსი ტიპის ფორუმებით უნდა დაინტერესდნენ.
 
„იქმნება შთაბეჭდილება, რომ არის მცდელობა რუსული გავლენები გააქტიურდეს საზოგადოებაში.  ეს ფონდები პირდაპირ კავშირშია რუსეთის ხელისუფლებასთან. ძალიან საინტერესოა ვინ უწყობს ამას ხელს ქართული მხარიდან და ვის ინტერესებში შეიძლება შედიოდეს“-აცხადებს ”სამართლიანი არჩევნებისა და დემოკრატიის საერთაშორისო საზოგადოების” აღმასრულებელი დირექტორიმიხეილ ბენიძე.  

წინა სტატიაახალი სახეები, რომელნიც წინსწრებით ალამაზებენ ზუგდიდის თეატრის სცენას
შემდეგი სტატიატომოსმა უკრაინის ეკლესიისთვის დასწია კირილის ტონუსი
ტელეკომპანია ოდიშის საინფორმაციო სამსახური