ზუგდიდის მუნიციპალიტეტის საუბნო საარჩევნო კომისიის 8 წევრმა სხვადასხვა უბანზე წევრობაზე უარი განაცხადა, ამის შესახებ ინფორმაციას ენმ ავრცელებს. პარტიის ზუგდიდის ხელმძღვანელის ანა წითლიძის ინფორმაციით, ეს ის ადამიანები არიან რომლებიც „ქართულ ოცნებას“ წარმოადგენენ, მაგრამ თითქოს დამოუკიდებელი წევრები არიან. „ეს რვა ადამიანი ძირითადად ისინი არიან, რომლებიც ჩვენ სიებში გავშიფრეთ. ჩემი ინფორმაციით, ამ ადამიანებს რეალურად არ უნდათ კომისიებში ყოფნა. არ უნდათ იმიტომ, რომ ხვდებიან, ნებისმიერ დარღვევასა და უკანონობაზე, რომლის შესრულებაც მათ მოუწევთ არჩევნების დღეს, და რასაც ავალებს მმართველი პარტია, რეალურად არ უნდათ, რომ ეს შეასრულონ. ჩვენი კომისიის წევრები, საერთაშორისო დამკვირვებლები ყველა დარღვევას აკონტროლებენ და და გამოაქვთ სააშკარაოზე“, – აცხადებს წითლიძე. ენმ-ს ინფორმაციით,კომისიები დატოვეს 25-ე, 46-ე, მე-80, 105-ე, 46-ე, 74-ე და 96-ე უბნის წევრებმა. ინფორმაციას ადასტურებენ ზუგდიდის 67-ე საოლქო საარჩევნო კომისიაშიც.თუმცა ამბობენ, რომ მათ განცხადებაში მითითებული აქვთ „ოჯახური მდგომარეომა“.