5 წლიანი ოკუპაცია, ვითარება ოკუპირებულ ტერიტორიებზე და მიმართვა აფხაზ და ოს ხალხს – საქართველოს პრემიერ მინისტრმა გენერალური ასამბლეის 73-ე სესიაზე შეკრებილებს ქართულ ენაზე მიმართა.

 

პრემიერი ყველა იმ მნიშვნელოვან საკითხს შეეხო რა გამოწვევების წინაშეც დღეს ქვეყანა დგას. მამუკა ბახტაძემ მოუწოდა რუსეთის ხელისუფლებას შეწყვიტოს მცოცავი ანექსია და ოკუპირებულ ტერიტორიებზე მცხოვრებლებს სრულფასოვნად ცხოვრების საშუალება მისცეს.

 

"10 წლის წინ რუსეთის ფედერაციამ ჩემი ქვეყნის წინააღმდეგ კიდევ ერთი ფართომასშტაბიანი სამხედრო აგრესია განახორციელა, რასაც შედეგად მოჰყვა საქართველოს ორი ისტორიული და განუყოფელი რეგიონის, აფხაზეთის და ცხინვალის სრულმასშტაბიანი ოკუპაცია. 

 

ამ სამხედრო აგრესიიდან 10 წლის შემდეგ ჩვენი ტერიტორიები კვლავ ოკუპირებულია. ეთნიკური წმენდის შედეგად, საქართველოს  მოსახლეობის 10% დღემდე დევნილობაშია. ფეხქვეშ ითელება ჩვენი მოქალაქეების უფლებები,"-განაცხადა მამუკა ბახტაძემ. 

 

18 წუთიანი მიმართვისას მთავრობის მეთაურმა საქართველოს მხრიდან ჟენევის საერთაშორისო მოლაპარაკებების ფორმატის აქტიურად გამოყენების მცდელობაზეც გაამახვილა ყურადღება.