ხორავას ქუჩაზე მოკლული მოზარდის, დავით სარალიძის მამის მხარდასაჭერად რუსთაველზე მიმდინარე აქციაზე მსოფლიო ბანი, პაატა ბურჭულაძე მივიდა.ბურჭულაძე ზაზა სარალიძის გვერდით კიბეებზე ჩამოჯდა და შვილმოკლულ მამებს თანადგომა საჯაროდ გამოუცხადა.
"აქ არის დაუმთავრებელი პანაშვიდი მოკლული ახალგაზრდების" – განაცხადა მსოფლიო ბანმა.ბურჭულაძე საზოგადოებას მოუწოდებს, გამონახონ დრო და თუნდაც ერთი საათით მივიდნენ რუსთაველზე, რათა მოკლული შვილების მშობლებს სამძიმარი გამოუცხადონ.შეკითხვაზე უერთდება თუ არა ზაზა სარალიძისა და მალხაზ მაჩალიკაშვილის მთავარ მოთხოვნას- გადადგეს მთავრობა, ბურჭულაძე ამბობს, რომ არათუ უერთდება ამ მოთხოვნას, თავადაც იმავეს მოითხოვს.დაახლოებით ერთი საათის წინ რუსთაველის გამზირზე ინციდენტი მოხდა.
ზაზა სარალიძე პარლამენტის წინ გასაშლელად კარვები მიჰქონდა, თუმცა ის სამართალდამცველებმა გააჩერეს და კარვები ჩამოართვეს. ინციდენტს სარალიძესა და პოლიციას შორის სიტყვიერი დაპირისპირება მოჰყვა, რა დროსაც სარალიძე შეუძლოდ გახდა.