ზუგდიდის მე-4 საჯარო სკოლაში სარემონტო სამუშაოები ამ დროისთვის შეწყვეტილია [Video]

0
441

ზუგდიდის მე-4 საჯარო სკოლაში სარემონტო სამუშაოები ამ დროისთვის შეწყვეტილია. მიზეზი ის გახლავთ, რომ მუშებს კომპანიამ ხელფასი არ გადაუხადა.ჩინური კომპანია, რომელიც ტენდერში გამარჯვებულია და მილენიუმის პროგრამის ფარგლებში ზუგდიდში სკოლაში სამუშაოებს ასრულებს, ჟურნალისტებს ემალება. თავის მხრივ, მედიასთან არ კონტაქტობენ გაფიცული მუშებიც. ჟურნალისტებისთვის ცნობილი გახდა, რომ კომპანიამ მათ 2 თვის ხელფასი დაუგვიანა. ზუგდიდის რესურცენტრში გვითხრეს, რომ ინფორმაციას მუშების გაფიცვის შესახებ არ ფლობენ, თუმცა მათ არანაირი ბერკეტი კომპანიასთან თანამშრომლობის არ გააჩნიათ. ზუგდიდში განათლების სამინისტროს პატრონაჟით მილენიუმის პროგრამით სულ 5 სკოლა რემონტდება. ტენდერში გამარჯვებულ კომპანიას ობიექტის ჩაბარება 2019 წლის აპრილში უწევს. რა ბედი ელის მუშებს, რომლებიც კამერებთან საუბარს შიშით გაურბიან და ასევე მსგავს პირობებში შესრულდება თუ არა ხარისხიანად სამუშაოები, უცნობია. ჩინურ კომპანიას კი, რომელიც ტენდერში გამარჯვებულია ჯერჯერობით მონიტორინგს არც ერთი სტრუქტურა არ უწევს.

 

 

წინა სტატია“არც ერთი ხმა მოღალატეს!” – სალომე ზურაბიშვილს ლანჩხუთში საპროტესტო აქციით დახვდნენ
შემდეგი სტატია“კურიერის” ინფორმაციით, ივანიშვილსა და ქუმსიშვილს, სავარაუდოდ, ლონდონში დაკითხვაზე დაიბარებენ
ტელეკომპანია ოდიშის საინფორმაციო სამსახური