ყველა ავტორიტეტული, საერთაშორისო და ადგილობრივი არასამთავრობო ორგანიზაციების პოზიციაა, რომ მიხეილ სააკაშვილის წინააღმდეგმიმდინარეობს პოლიტიკური დევნა და ხელისუფლება დევნის ინსტრუმენტად პროკურატურას იყენებს", – განაცხადა მიხეილ სააკაშვილის ახალმა ადვოკატმა შოთა კახიძემ, რომელიც ე.წ, ,,პიჯაკების საქმეში '' ჩაერთო. თავისი წინამორბედი ადვოკატის დავით კაკოიშვილის ნაცვლად.
ამრიგად, ყოფილ პრეზიდენტს ახალი დამცველი ჰყავს, რომელიც მის ინტერესებს დაიცავს საბიუჯეტო თანხების გაფლანგვის საქმეში, რომელზეც ბრალი ყოფილ პრეზიდენტს, მიხეილ სააკაშვილსა და სდსს-ს ყოფილ უფროსს, თემურ ჯანაშიას აქვს წაყენებული,
სასამართლომ მანამდე სააკაშვილს ადვოკატები სახელმწიფოს ხარჯზეც დაუნიშნა, ვინაიდან ბრალდებული სავალდებულო დაცვას ექვემდებარებოდა.
ყოფილმა პრეზიდენტმა სახაზინო ადვოკატები აიცილა და მხოლოდ შეთანხმებით მოწვეული ადვოკატი დაიტოვა.
ვინაიდან ყოფილი პრეზიდენტის ადვოკატი საქმეში ახალი ჩართულია, მან საქმის მასალებისა და აქამდე ჩატარებული სხდომის ოქმების გასაცნობად გონივრული ვადა ითხოვა.
მოსამართლემ აღნიშნული შუამდგომლობაც დააკმაყოფილა და შოთა კახიძეს საქმის გასაცნობად ერთთვიანი ვადა მისცა.