სახელმწიფო უსაფრთხოების სამსახური, ზუგდიდის ყოფილი მერის, ლაშა გოგიას სავარაუდო კორუფციულ გარიგებასთან დაკავშირებით განცხადებას ავრცელებს. უწყების ცნობით, ამავე საქმეზე დაკავებულია ერთი პირი. სუს-ის მიერ გავრცელებულ განცხადებაში ნათქვამია: “სახელმწიფო უსაფრთხოების სამსახურის ანტიკორუფციულ სააგენტოში მიმდინარეობს გამოძიება ქრთამის აღების ფაქტზე, საქართველოს სსკ-ის 338-ე მუხლით. მიმდინარე გამოძიების ფარგლებში, ჩატარებული საცხოვრებელი სახლების და მანქანების ჩხრეკის შედეგად, დაკავებულია მოქალაქე ზაზა ხ. აღნიშნულ საქმესთან დაკავშირებით საგამოძიებო მოქმედებები გრძელდება.” შეგახსენებთ, რომ ლაშა გოგია გუშინ სუს-ში გამოკითხვაზე იმყოფებოდა. ზუგდიდის ყოფილმა მერმა ე.წ. მოდულის შენობა გვიან ღამით დატოვა. ლაშა გოგიას გამოკითხვა 9 საათზე მეტხანს გაგრძელდა. გამოკითხვის დეტალებზე ყოფილ მაღალჩინოსანს ჟურნალისტებთან არ უსაუბრია. მისი თქმით, განცხადებას ის ხვალ გააკეთებს
სახელმწიფო უსაფრთხოების სამსახური, ზუგდიდის ყოფილი მერის, ლაშა გოგიას სავარაუდო კორუფციულ გარიგებასთან დაკავშირებით განცხადებას ავრცელებს
Published on