მარიხუანას ნუ მოსწევთ, სახეზე წაისვით! გუგულის ლობიოს შესაკმაზადაც კარგია

0
495
მარიხუანას ექსპორტი არსებითად მიმართულია სამედიცინო და სამეწარმეო მოხმარებისკენ, – ამის შესახებ პარლამენტის თავმჯდომარემ ირაკლი კობახიძემ შინაგან საქმეთა სამინისტროს მიერ მომზადებულ საკანონმდებლო პაკეტზე საუბრისას განაცხადა.
 
“მარიხუანას კულტივაცია სამედიცინო მიზნით მოხდება. ეს გათვალისწინებულია კანონპროექტით. მეორე, ეს არის სამეწარმეო მიზნები. როგორც მოგეხსენებათ, კოსმეტიკური საშუალებების დასამზადებლად გამოიყენება შესაბამისი ზეთი და ამ მიზნით მოხდება ამ მცენარის გამოყენება.
 
 
საუბარია იმაზე, რომ ეს სფერო შეიძლება კონკრეტული ეკონომიკური საქმიანობისთვის გაიხსნას, თუმცა გამორიცხულია ლეგალიზაცია. საკონსტიტუციო სასამართლოს გადაწყვეტილებიდან გამომდინარე, პროცესები რეალურად აქეთკენ მიდიოდა, თუმცა ჩვენ შევძელით ამ პროცესის ჩარჩოში მოქცევა იმ კანონპროექტით, რომელიც წარმოდგენილია“, – განაცხადა ირაკლი კობახიძემ.
 
პარლამენტის თავმჯდომარე მარიხუანას ლეგალიზების შესაძლებლობას გამორიცხავს და აცხადებს, რომ ხელისუფლება პროცესების არასწორი მიმართულებით განვითარებას არ დაუშვებს.
წინა სტატიააფხაზეთის მთავრობამ ზუგდიდში წინსწრებით დაიწყო საკუთარი სტრუქტურების მობილიზაცია სალომე ზურაბიშვილის მხარდასაჭერად- აცხადებენ მოძრაობა ,,დაბრუნებაში””
შემდეგი სტატია,,ეს ნაგავი თავისით არ გადამდგარა, ოპოზიციას ხელში ჩაუვარდა ჩანაწერი,, – მიხეილ სააკაშვილი
ტელეკომპანია ოდიშის საინფორმაციო სამსახური