კალაძის ეშმაკის ბორბალი და კორუფციული გარიგებები – დედაქალაქის საკრებულოს სხდომაზე ოპოზიცია მწვავე კრიტიკით გამოსვლას გეგმავს

0
447
თბილისის საკრებულოს დღევანდელ სხდომაზე   ოპოზიციონერი დეპუტატები ეშმაკის ბორბალთან და სხვა საკითხებთან დაკავშირებულ კორუფციულ გარიგებაზე საუბარს გეგმავენ. კერძოდ, მმართველი გუნდის ოპონენტები თბილისის მერიის მიერ ორი მილიონი ლარის გამოყოფაზე  გაამახვილებენ ყურადღებას. 
 
2 მილიონ ლარიანი კონტრაქტი იტალიურ კომპანიასთან უკვე გაფორმებულია. პროექტი ეშმაკის ბორბალზე გიგანტური საათისა და ახალი განათების დამონტაჟებას ითვალისწინებს.
 
.„ნაციონალურ მოძრაობაში“ ამტკიცებენ, რომ მერია დედაქალაქის პრობლემებს არაადეკვატურად აფასებს .„ან უნდა თქვან, რომ ქვეყანაში ისე კარგად არის ყველაფერი, რომ ეშმაკის ბორბალიღა დაგვრჩა გასამართი და ამისთვის 2 მილიონი ლარი უნდა დავხარჯოთ, ასევე უნდა გვითხრან რომ ქვეყანაში იმდენად კარგი სიტუაციაა, რომ სარესტორნო მომსახურებაში შეიძლება, რომ 45 ათასი ლარი დახარჯონ და პარალელურად 1 ლარად და 13 თეთრად გამოკვებონ სოციალურად დაუცველები. ამ ორ საკითხზე გვექნება ჩვენ ყურადღება გამახვილებული,“-განაცხადა ლევან ხაბეიშვილმა.
 
თბილისის საკრებულოს უმრავლესობა კი ოპოზიციას სპეკულაციაში ადანაშაულებს.
წინა სტატია9-და 10 სექტემბრის ღამეს ხულოში ორი ტაძარი გაქურდეს
შემდეგი სტატიაგაგულიას ავარია ხელოვნურად მოუწყვეს? პრემიერის შესაძლო გადადგომა გააძლიერებდა ოპოზიციას, ამიტომ არაფერია გამორიცხული
ტელეკომპანია ოდიშის საინფორმაციო სამსახური