„არ შეეგუო ოკუპაციას“, „სალომე აქ ვერ გათხრი“, „ბარს არ მოგცემ“- ამ ტრანსპარანტებით გააპროტესტეს სალომე ზურაბიშვილის ვიზიტი ზუგდიდში "თანასწორობის მოძრაობის" ზუგდიდის ორგანიზაციის ხელმძღვანელმა ცაბუნია ვართაგავამ და სამოქალაქო აქტივისტმა როსტომ ზარანდიამ.„ჩვენ რომ ღირსეული სახელმწიფო ვიყოთ, სალომე ზურაბიშვილს საერთოდ არ უნდა ჰქონდეს პრეტენზია საქართველოს პრეზიდენტობის კანდიდატად იყაროს კენჭი. ზუსტად იმიტომ, რომ ადამიანი აკეთებს ანტისახელმწიფოებრივ განცხადებას, როდესაც ამბობს რომ ომი დაიწყო საქართველომ და არ აღიარებს რუსულ ოკუპაციას“, – უთხრა ჟურნალისტებს ცაბუნია ვართაგავამ