მთავარისიახლეებიმსოფლიოჯო ბაიდენის ცრემლები - ,, ჯონ მაკკეინი ჩემთვის ასახიერებდა მთავარ ღირებულებებს: სამართლიანობა,...

ჯო ბაიდენის ცრემლები – ,, ჯონ მაკკეინი ჩემთვის ასახიერებდა მთავარ ღირებულებებს: სამართლიანობა, კეთილსინდისიერება და ღირსება“

Published on

აშშ სენატორ ჯონ მაკკეინს ეთხოვება .  მთელი დემოკრატიული სამყარო აღიარებს, რომ ჯონ მაკკეინმა მთელი ეპოქა შექმნა თანამედროვე პოლიტიკაში.
 
მე ჯო ბაიდენი ვარ, მე „დემოკრატი“ ვარ და მე მიყვარს ჯონ მაკკეინი, -ასე დაიწყო თავისი გამოსვლა  სენატორ ჯონ მაკკეინის პანაშვიდზე აშშ-ს ყოფილმა ვიცე-პრეზიდენტმა ჯო ბაიდენმა.  
 
 
 
„განვლილ გზას რომ ვუყურებ, შემიძლია ვთქვა, რომ ჯონ მაკკეინს ძმად მივიჩნევდი. მე შემეძლო ჯონ მაკკეინისთვის ჩემი სიცოცხლე მენდო და ვფიქრობ, მასაც შეეძლო თავისი სიცოცხლე ჩემთვის მოენდო. როდესაც რამე პრობლემა მქონდა, ჯონი ყოველთვის პირველი იყო, ვინც რჩევით მოვიდოდა. როდესაც რამე საარჩევნო კამპანიას ვატარებდი, მას შეეძლო დაერეკა და გავეკრიტიკებინე თუ რა და როგორ განვაცხადე. ჯონ მაკკეინი ჩემთვის ასახიერებდა მთავარ ღირებულებებს: სამართლიანობა, კეთილსინდისიერება და ღირსება“, – განაცხადა ჯო ბაიდენმა.
 
 
 
„არის მომენტები, როდესაც ცხოვრება ძალიან სასტიკი და ბრმაა, როდესაც რთულია რამის დანახვა. ეს რომ გადავიტანოთ, ჩვენ უნდა გვახსოვდეს ჩვენსგან წასულები როგორ ცხოვრობდნენ და არა ის, თუ როგორ გარდაიცვალნენ“, – განაცხადა აშშ-ს ყოფილმა ვიცე-პრეზიდენტმა. 
 
სიტყვით გამოსვლისას ჯო ბაიდენმა ემოციები ვერ შეიკავა და ატირდა. 
 
 
 
ჯო ბაიდენმა ასევე გააჟღერა პოლიტიკური გზავნილი. მან აღნიშნა, თუ რაოდენ შეიცვალა სენატი მას შემდეგ, რაც ის და მაკკეინი პოლიტიკაში მოვიდნენ.
 
„დღეს უკვე რთულია კონსენსუსის მიღწევა. რასაც დღეს ვაკეთებთ არის ის, რომ თავს ვესხმით ერთმანეთის მოტივებს და არა არგუმენტების არსს“, – აღნიშნა ჯო ბაიდენმა. 
 
დღეს ჯონ მაკკეინის ცხედარს ვაშინგტონში აშშ-ს კაპიტოლიუმში გადაასვენებენ. მისი დაკრძალვა კი კვირას 2 სექტემბერს გაიმართება. 
 
 

სიახლეები

“მთავარი არხის” ჟურნალისტი და წამყვანი ნათია გოგსაძე დააჯარიმეს

"მთავარი არხის" ჟურნალისტი და წამყვანი ნათია გოგსაძე ოლიგარქის პოლიციამ დააჯარიმა. ნათია გოგსაძეს 2 თებერვალს...

ოლიგარქის, მისი ოჯახის წევრებისა და პროპაგანდისტების სანქცირება, “ოცნების” არ აღიარება და ახალი არჩევნები -ევროპარლამენტმა საქართველოზე რეზოლუციას მხარი დაუჭირა

ევროპარლამენტმა ქართველი ხალხის მხარდამჭერ რეზოლუაციას მხარი დაუჭირა. რეზოლუციას 400-მა ევროპარლამენტარმა დაუჭირა მხარი. რეზოლუციის ტექსტში ევროპელი...

“თუკი ომის დასრულების მომენტში საქართველოში ისევ ივანიშვილის რეჟიმი იქნება, რუსული ჯარი გახდება მისი არსებობის გარანტორი”

უკრაინაში ზავის მომზადებასთან დაკავშირებულ დეტალებზე საკუთარ მოსაზრებას აქვეყნებს დავით ბატაშვილი, რომელიც პერიოდულად, ძირფესვიანად მიმოიხილავს...

რა მოხდა კულისებში კულტურის მინისტრსა და პულტის რეჟისორს შორის, ლილიკო ნემსაძის კონცერტზე – დეტალები

აქ გიამბობთ იმ შოკის შესახებ, რომელიც სრულიად მოულოდნელად მიიღო კულტურის მინისტრმა თინათინ რუხაძემ ფილარმონიაში,...