საქართველოს პრეზიდენტი უზენაესი სასამართლოს თავმჯდომარეობის კანდიდატის შერჩევის მიზნით კონსულტაციების ფარგლებში დღეს სამოქალაქო სექტორთან შემაჯამებელ შეხვედრას გამართავს.
როგორც პრეზიდენტის ადმინისტრაციაში აცხადებენ, კონსულტაციებს დღეს საქართველოს პრეზიდენტი სწორედ სამოქალაქო სექტორთან დაგეგმილ გაფართოებულ შეხვედრაზე შეაჯამებს.
„ბოლო ორი კვირის განმავლობაში საქართველოს პრეზიდენტის ადმინისტრაცია აქტიურად აწარმოებდა კონსულტაციებს და შეხვედრებს იურიდიული პროფესიის სხვადასხვა ჯგუფების წარმომადგენლებთან. ჩვენ ამჯერად უკვე ჩავატარებთ გაფართოებულ შეხვედრას პრეზიდენტის მონაწილეობით და მოხდება მთელი ამ შეხვედრების შეჯამება, კიდევ ერთხელ გაანალიზება და საბოლოო გადაწყვეტილების მიღება თუ ეს პროცესი რა გზით მიდის. ამის შემდეგ უკვე მოხდება კანდიდატურების დასახელებაც“, – განაცხადა პრეზიდენტის მრჩეველმა კახა კოჟორიძე.