ზუგდიდის სოფლებში რუხსა და ყულიშკარში, მიმდინარე კონტროლის ღონისძიებების შედეგად უაქციზო სიგარეტი ამოიღეს. საუბარია ჯამში 19 820 ღერი პროდუქციის შენახვა-გადაზიდვის ფაქტებზე, რომელიც ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის სამეგრელოს, გურიისა და ზემო სვანეთის განყოფილების თანამშრომლებმა ამოიღეს. ეს დრო 28 ივლისიდან 3 აგვისტოს ჩათვლით პერიოდს მოიცავს.
შემოსავლების სამსახურის ინფორმაციით, საქართველოს საგადასახადო კოდექსის 192-ე მუხლის მე-5 ნაწილის შესაბამისად, კანონდამრღვევ მოქალაქეებს ჩამოერთვათ საქონელი. საქმის მასალები სასამართლოს გაეგზავნა.