ფოთში ზღვაში ორი ადამიანი დაიხრჩო. არსებული ინფორმაციით, ისინი დასასვენებლად თბილისიდან იყვნენ ჩასული. გარდაცვლილები ერთი ოჯახის წევრები არიან. მათი ასაკი 50-წლამდეა.მცდელობის მიუხედავად მაშველებმა მათი გადარჩენა ვერ შეძლეს. ცხედრები პროზექტურაში ექსპერტიზაზეა გადასვენებული. "მამაკაცმა სამაშველო რგოლს ხელი გაუშვა. ქალს კი ფეხქვეშ მიწა გამოეცალა და სავარაუდოდ, გული გაუსკდა. მიუხედავად არაერთი გაფრთხილებისა, რომ საშტორმო მდგომარეობის გამო ბანაობა აკრძალული იყო, ისინი ზღვაში მაინც შევიდნენ. ძალღონე არ დავიშურეთ, თუმცა მათი გადარჩენა ვერ მოხერხდა“,- განუცხადა ჟურნალისტებს მაშველმა ამირან ნანავამ.ფაქტზე გამოძიება სსსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.