გაერთიანებული ოპოზიციის „ძალა ერთობაშია“ პრეზიდენტობის კანდიდატი გრიგოლ ვაშაძე და ოპოზიციის სხვა ლიდერები სამეგრელოს რეგიონში შეხვედრებს განაგრძობენ.

 

ზუგდიდის შემდეგ ისინი, პარტიის  „ერთიანი ნაციონალური მოძრაობის“ინფორმაციით,სენაკსა და ფოთს  ეწვივნენ. 

 

„სენაკელების განცხადებით, „ქართულმა ოცნებამ“ მათ იმედები გაუცრუა – მძიმე სოციალური მდგომარეობა, კრიმინალი, ჩინოვნიკების თავგასულობა და ხელისუფლების უყურადღებობა ყოველდღიური ცხოვრების ნაწილი გახდა.

პრეზიდენტობის კანდიდატმა გრიგოლ ვაშაძემ განაცხადა, რომ ერთიანობით აუცილებლად მოვახერხებთ „ოცნების“ დამარცხებას, რათა სწრაფად დაიწყოს არსებული პრობლემების მოგვარება“, – ნათქვამია ინფორმაციაში.

 

 ქალაქ ფოთის მოსახლეობასსთან შეხვედრაზე ადგილობრივებმა ისაუბრეს ქალაქის განვითარებაში არსებულ პრობლემებზე და ხაზი გაუსვეს მოსახლეობის  სოციალურ  სიდუხჭირე.  ისინი სენაკელების მსგავსად აცხადებენ, რომ ასეთი ვითარების ძირითადი მიზეზი   ხალხის საჭიროებათა მიმართ  ხელისუფლების სრული უყურადღებობაა.

 

პრეზიდენტობის კანდიდატის გრიგოლ ვაშაძის  თქმით, გამარჯვებისთანავე მის ხელთ არსებულ უბლებამოსილებას და ყველა რესურსს გამოიყენებს ამ პრობლემების გადასაჭრელად.