წუხელე ბათუმში, ანბანის კოშკის მიმდებარე ტერიტორიაზე ოთხი ადამიანი დაჭრეს. ისინი კლინიკაში გვიან ღამით შეიყვანეს, დღეს კი 2 მათგანი უკვე გაწერეს, ორს კი ქირურგიული ჩარევა დასჭირდა და ისინი ბათუმის რესპუბლიკური საავადმყოფოს რეანიმაციულ განყოფილებაში იმყოფებიან.
ახალგაზრდებს, სავარაუდოდ, ცივი იარაღით აქვთ მიყენებული შემავალი ჭრილობა მუცლისა და ფეხის არეში
შინაგან საქმეთა სამინისტროს ინფორმაციით, დააკავეს პირი, რომელმაც 27 ივლისს, ანბანის კოშკის მიმდებარე ტერიტორიაზე, ურთიერთშელაპარაკების ნიადაგზე, ცივი იარაღით დაზიანებები მიაყენა 4 პირს: 2000 წელს დაბადებულ ვ.თ-ს, 2000 წელს დაბადებულ გ.ქ.-ს, 1998 წელს დაბადებულ ვ.მ.-ს და 1997 წელს დაბადებულ ი.ჭ.-ს.
ჩადენილი დანაშაული 7-დან 15 წლამდე ვადით თავისუფლების აღკვეთას ითვალისწინებს.