არასრულწლოვნების მკვლელობის საქმე – კომისიის წევრები სხდომაზეი შინაგან საქმეთა სამინისტროს გამომძიებლების მოსმენა მიმდინარეობს.
კომისიის წევრებს გამომძიებლებთან კითხვები კვლავ ჩატარებულ საგამოძიებო მოქმედებებთან დაკავშირებით აქვთ.
კითხვები ეხება მოწმეების დაკითხვას, კონკრეტულად კი არასრულწლოვნებს. ირაკლი აბესაძის თქმით, არასრულწლოვნები ღამის განმავლობაში გამოკითხვაზე იმყოფებოდნენ, რაც აბესაძის თქმით, არასრულწლოვანთან მართლმსაჯულების მიხედვით აკრძალულია.
კომისიის სხდომა კამათით მიმდინარეობს. კამათი საპარლამენტო უმრავლესობის და უმცირესობის წარმომადგენლებს შორის, ასევე გამომძიებლებთან გამოიწვია დეპუტატ ირაკლი აბესაძის მიერ დასმულმა კითხვებმა, თუ რა ფორმით შემოწმდა ჩხუბში მონაწილე მოზარდების ტელეფონები და რა ფორმით გამოიკითხა ხორავას ქუჩაზე მცხოვრებლები.
საპარლამენტო-საგამოძიებო კომისიის სხდომაზე დღეს ისევ არ მისულა შს სამინისტროს დეტექტივების სამმართველოს უფროსი იოსებ სიგუა.
მან კომისიას ჯანმრთელობის მდგომარეობის შესახებ ცნობა წარუდგინა.
შეგახსენებთ, რომ სიგუა კომისიის მხოლოდ ერთ სხდომაზე მივიდა. მეორე დღეს კი ის გამოკითხვაზე არ გამოცხადდა. შსს-მ განმარტა, რომ სიგუას ჯანმრთელობის პრობლემები აქვს.