უბედური შემთხვევა გუდაურში – ტვირთამწის დემონტაჟს ახალგაზრდა მამაკაცის სიცოცხლე ემსხვერპლა. შემთხვევა გუდაურის შესასვლელთან მოხდა, სადაც მუნიციპალიტეტის მიერ დაქირავებული კომპანია "ფერი", მუნიციპალური განვითარების ფონდის პროექტს -კობი-გუდაურის საბაგირო გზის მშენებლობას ახორციელებს, რომელიც დეკემბერში უნდა დასრულდეს.ტვირთამწის დემონტაჟის დროს, სადაც ხვიჩა ტაბატაძე მუშაობდა, დეტალი მოწყდა და მას დაეცა. ახალგაზრდა მამაკაცი ადგილზევე გარდაიცვალა.მას ცოლი და 3 შვილი დარჩა. ოჯახის წევრები ამბობენ, რომ ხვიჩა ტაბატაძე გუდაურში ორი კვირის წინ დასაქმდა.„უნდა იყოს შესაძლებელი, რომ კონკრეტულმა ინსპექტორმა აღნიშნული ტექნიკა გადაამოწმოს. რამდენად იყო ის გამართული ან რამდენად არ იყო ის გამართული. როგორც ახლა ფაქტია სახეზე, არ ყოფილა გამართული. ისევ მოვითხოვთ, რომ ქმედითი შრომის ინსპექცია შეიქმნას,“-აცხადებს პროფკავშირების წარმომადგენელი გიგა ბექაური.