მოვუწოდებ სრულიად საქართველოს, დადგეს თქვენს გვერდით. დამნაშავეები უნდა დაისაჯონ და ყველამ, ვინც მონაწილეობდა დანაშაულის დაფარვაში უნდა აგოს პასუხი, – ასე მიმართავს პაატა ბურჭულაძე ხორავას ქუჩაზე მოკლული დავით სარალიძის მამას, ზაზა სარალიძეს. ამასთან დაკავშირებით ბურჭულაძე განცხადებას ავრცელებს.
„ბატონო ზაზა, გისამძიმრებთ და ვარ თქვენს გვერდით ამ უდიდეს მწუხარებაში. თქვენ ხართ ნამდვილი გმირი მამა, რომელიც თავისი შეუპოვრობით ითხოვს სამართლიანობას და აღვიძებს საქართველოს. თქვენ შეძელით ის, რაც ვერ შესძლო ვერავინ. თქვენ გააცოცხლეთ თქვენი შვილი და აცოცხლებთ მომავალ საქართველოს! გიცხადებთ მხარდაჭერას და სოლიდარობას! მოვუწოდებ სრულიად საქართველოს, დადგეს თქვენს გვერდით. დამნაშავეები უნდა დაისაჯონ და ყველამ, ვინც მონაწილეობდა დანაშაულის დაფარვაში უნდა აგოს პასუხი“, – აცხადებს პაატა ბურჭულაძე.