მესამე დღეა ზუგდიდში ახალგაზრდები სოლიდარობის აქციას მართავენ

0
368

„სამეგრელოს ხმის“ლიდერი თენგიზ ჯგუშია ზუგდიდში გუშინ გამართულ სოლიდარობის აქციას ეხმაურება.მისი თქმით, აქციების დაგეგმვის თანაორგანიზატორია და მას უფლება აქვს როგორც მშობელს გამოვიდეს და მიმართოს საზოგადოებას. თენგიზ ჯგუშიას თქმით, სისტემა უნდა დაინგრეს- მოწოდება უკვე არის პოლიტიკური მოთხოვნა და ვერ გაიზიარებს ამ ნაწილში იმ მოსაზრებას, რომ აქციას პოლიტიკოსები არ გაეკარონ. მან გუშინდელ აქციას ლგბტ ჯგუფის პროპაგანდა უწოდა.კითხვაზე, იყო თუ არა მისი განხცადება დისკრედიტაციული, მან აღნიშნა, რომ ახდენს, არა სოციალური ჯგუფის დისკრედიტაციას, არამედ არამედ ლგბტ სტატუსის კონსტატირებას“.თენგიზ ჯგუშიას ბრალდებებს გუშინდელი აქციის ორგანიზატორებმა უპასუხეს. ემზო კვარაცხელიას თქმით, თავიდანვე იყო ახალგაზრდების მოთხოვნა, რომ აქცია ყოფილიყო აპოლიტიკური და მიკროფონთან არც ერთი პარტიის წარმომადგენელი არ უნდა მისულიყო.“აქ ჩვენ არ გვჭირდება კოლექტიური ჯგუშიები. – განაცხადა „თანასწორობის მოძრაობის“ ზუგდიდის ოფისის ხელმძღვანელმა ემზო კვარაცხელიამ. ჯგუშიას განცხადებას აქციის მიზნების დისკრედიტაციად აფასებს „საერთაშორისო გამჭვირვალობა- საქართველოს“ ზუგდიდის ორგანიზაციის კოორდინატორი არჩილ თოდუა, მისი თქმით, ჯგუშიას ასეთი განცხადებები წარმოადგენს რუსულ ნარატივს.შეგახსენებთ, რომ გუშინ აქციაზე, რომელიც ახალგაზრდების მიერ იყო ორგანიზებული და რომელსაც შაოსანი დედებიც ესწრებოდნენ, თენგიზ ჯგუშიაც იმყოფებოდა, რომელმაც მიკროფონი ითხოვა, თუმცა ამას აქციის მონაწილეთა ნაწილმა პროტესტით უპასუხა. 

წინა სტატიადამიდექით გვერდში, რათა პოლიტიკურ ჭრილში არ გადაიზარდოს ეს- ზაზა სარალიძის მიმართვა ხალხს
შემდეგი სტატიამესამე დღეა ზუგდიდში ახალგაზრდები სოლიდარობის აქციას მართავენ [Video]
ტელეკომპანია ოდიშის საინფორმაციო სამსახური