სამეგრელო-ზემო სვანეთის მწერალთა კავშირის თავმჯდომარე შუკო ჯიქიამ ტელეკომპანია „ოდიშში“ განცხადების გაკეთება ითხოვა. ის კომპანიას დღის განმავლობაში რამდენჯერმე ესტუმრა და ხელმძღვანელობასთან შეხვედრა ითხოვა. შუკო ჯიქიამ ვიდეოკომენტარის ჩაწერა მოითხოვა. როგორც მხარის მწერალთა კავშირის თავმჯდომარემ, რაზეც კომპანიისგან თანხმობა მიიღო. მისი თქმით, ის არის პარტია „ქართული ოცნების“ წევრი და დღეიდან ოფიციალურად ტოვებს ამ პარტიას, რადგან აქვს უსამართლობის განცდა და სოლიდარობას უცხადებს ზაზა სარალიძის ოჯახს. „ოდიშინიუსის“ კითხვაზე, პარტიის დატოვებასთან ერთად ხომ არ მოუწევს დაკავებული თანამდებობის დატოვებაც, შუკო ჯიქიამ თქვა, რომ მას ვერავინ დაუშლის წერას, რასაც ის ყველგან გააკეთებს. მისი თქმით, ეს გადაწყვეტილება ქვეყანაში ბოლო დროს შექმნილი ვითარების გამო მიიღო. „ოდიშინიუსი“ გთავაზობთ შუკო ჯიქიას ვიდეოკომენტარს.