მე დავანგრევ ამ სისტემას, ან მომკალით, რაც ჩემთვის ძალიან დიდი შვება იქნება- ზაზა სარალიძე

0
434
მე დავანგრევ ამ სისტემას, ან მომკალით, რაც ჩემთვის ძალიან დიდი შვება იქნება, – ამის შესახებ ხორავას ქუჩაზე მოკლული დავით სარალიძის მამა ზაზა სარალიძე ფეისბუქში წერს.
 
ზაზა სარალიძე იუსტიციის მინისტრს თეა წულუკიანს მიმართავს და აცხადებს, რომ 6 თვეა დამცირების მეტი არაფერი მიუღია. 
 
„ქალბატონო თეა, 6 თვე ვიხვეწებოდი გვერდით დგომას. პირადად შს მინისტრსაც კი მოვუწოდე, რომ შევხვედროდი და მეთქვა ჩემი გულისწუხილი და სანამ ქუჩაში არ გავედი, მანამ არ ისურვეთ ჩემი შემჩნევა. ახლა თქვენ მიმიწოდებთ მე, რომ ქუჩაში არ არის გადასაწყვეტი? სად იყავით სანამ ქუჩაში გავიდოდი! სად იყავით 6 თვე დამცირების მეტი არაფერი რომ არ მიმიღია! სად იყავით სად!
 
ექვსი თვე ყოველ ღამე ჩემი მეუღლე ჩემ შვილს ელაპარაკება. იცი შენ ეს რას ნიშნავს? შენობით იმიტომ მოგმართე, ჩემთვის უბრალო ადამიანი ხარ და არა ჩინოვნიკი. მთელმა სისტემამ გადაწყვიტა ჩემი განადგურება. მე დავანგრევ ამ სისტემას ან მომკალით რაც ჩემთვის ძალიან დიდი შვება იქნება“, – წერს ზაზა სარალიძე. 
წინა სტატიაგაშლილ კარვებში ზაზა სარალიძესთან შესახვედრად საქართველოს პრეზიდენტი გიორგი მარგველაშვილი მივიდა
შემდეგი სტატიაადმინისტრაციული საზღვრის გადაკვეთა ბინადრობის მოწმობით კიდევ ერთი წლის მანძილზე იქნება შესაძლებელი
ტელეკომპანია ოდიშის საინფორმაციო სამსახური