„იმ ყველაფრის კუპრავას დონემდე დახურდავება, რაც ახლა ხდება, არასწორია.“- საკრებულოს სხდომაზე სოლიდარობის აქციის თემას დაპირისპირება მოყვა[Video]

0
389
ზუგდიდის საკრებულოს სხდომაზე დაპირისპირება მოყვა  გასული წლის დეკემბერში ხორავას ქუჩაზე მოკლული დავით სარალიძის მამის ზაზა სარალიძის მხარდამჭერ აქციასთან დაკავშირებით გამოთქმულ მოსაზრებას პარტია „ქართული ოცნების“ საკრებულოს დეპუტატისა და საკრებულოს თავმჯდომარის მოადგილის თაზო ფაცაციას მხრიდან.ფაცაციას თქმით, ზაზა სარალიძის ტკივილისა და ოჯახის მიმართ თანაგრძნობას გამოხატავს, თუმცა,გუშინ  აქციამ პოლიტიკური ხასიათი მიიღო, რასაც არ ეთანხმება. მან გუშინ მომხდარი ფაქტი გაიხსენა, როცა აქციაზე მისულ პრემიერ-მინისტრ გიორგი კვირიკაშვილს აქციის მონაწილეებმა გამოსვლის საშუალება არ მისცეს, მისი თქმით :’შვილმკვდარი მამა ითხოვდა სიტყვა ეთქვა პრემიერს, რისი საშუალებაც კურავამ არ მისცა, ეს არის ჩემთვის მიუღებელი, კარგად გადახედეთ, ვინ გიდაგთ გვერდით, ვინც 9 წელი სხვისი შვილების გამწარებით იყო დაკავებული“, – აღნიშნა ფაცაციამ, რასაც „ევროპული საქართველოს“  დეპუტატის ბათლომე შელიასთვის მიუღებელი აღმოჩნდა, რასაც დეპუტატებს შორის კამათი მოყვა. „იმ ყველაფრის კუპრავას დონემდე დახურდავება, რაც ახლა ხდება, არასწორია. გუშინ ერთ დღეში სპონტანურად მისული საზოგადოება ითხოვდა სამართალს და უსამართლოდ დაჩაგრული ქართველი კაცის გვერდით იდგა. დიახ, კვირიკაშვილი ,თუნდაც იმიტომ უნდა გადადგეს, რომ მხოლოდ გუშინ მოინდომა და მივიდა სარალიძესთან. ის რაც საკრებულოს ადგილობრივებმა ლიდერებმა თქვეს, არის გაუგონარი კომენტარი და მხოლოდ საკუთარი სკამების გადარჩენის სურვილი“, – განაცხადა ბათლომე შელიამ. 
 

წინა სტატიაზუგდიდში, ახალგაზრდების აქციაზე თენგიზ ჯგუშიას გამოჩენას პროტესტი მოყვა[Video]
შემდეგი სტატიაჯვარში სკოლის მოსწავლეებმა სოლიდარობის აქცია გამართეს (FOTO)
ტელეკომპანია ოდიშის საინფორმაციო სამსახური