სამეგრელო-აფხაზეთის ადმინისტრაციული საზღვრის გადაკვეთა – ბინადრობის მოწმობითაც იქნება შესაძლებელი მინიმუმ კიდევ ერთი წლის მანძილზე – გადაწყვეტილება ამის შესახებ აფხაზეთის დე ფაქტო რესპუბლიკის მინისტრთა კაბინეტმა მიიღო.
სააგენტო „აფსნი რუ -ს'' ცნობით, შსაბამისი ცვლილება შევიდა „აფხაზეთსა და საქართველოს შორის საზღვრის გადაკვეთის შესახებ დროებითი ღონისძიებების შესახებ“ დადგენილებაში.
ამ ცვლილებების თნახმად, საზღვრის გადაკვეთა შესაძლებელია არა მხოლოდ ე.წ. აფხაზური პასპორტით, არამედ დროებითი დოკუმენტით – ბინადრობის მოწმობით. როგორც დე ფაქტო მთავრობის აპარატის ხელმძღვანელი აცხადებს დადგენილების გახანგრძლივება ყოველ წელიწადს ხდება , რაც ნიშნავს, რომ იგი კიდევ ერთი წელი დარჩება ძალაში.
ამდენად, ბინადრობის მოწმობა ჩაანაცვლებს ე.წ. ფორმა #9 – ს , რომლის მეშვეობით ხდებოდა მოქალაქეების გადაადგილებას ადმინისტრაციულ საზღვარზე ბინადრობის მოწმობის შემოღებამდე. რაც შეეხება ამ ახალ დოკუმენტის მიღების შესაძლებლობას, , როგორც დავით სანგულია აცხადებს, მოქალაქეებმა დროულად უნდ ამიმართონ საპასპორტო – სავიზო სამსახურს.
რასაკვირველია, მას არაფერი უთქვამს იმაზე, რომ მიმართვები კეთდება, მაგრამ ბინადრობის მოწმობის გაცემა ხშირად ხელოვნურად ჭიანურდება და ვაჭრობის საგნად არის ქცეული.