ზუგდიდის რაიონულმა სასამართლომ ბავშვის მძევლად აყვანის საქმეზე ერთ-ერთ ბრალდებულს ვასილ ახალაიას წინასწარი პატიმრობა, ხოლო მის მეუღლეს ემა კვირტიას გირაო – 5000 ლარის ოდენობით შეუფარდა. მოსამართლემ მხარეების მოთხოვნით სხდომა დახურა.
ზუგდიდში, მოქალაქეებმა ვასიკო ახალაიამ და ემა კვირტიამ ქალის შვილი, რომელსაც მათი ვალი ჰქონდა სახლიდან წაიყვანეს და დედას განუცხადეს, რომ სანამ ვალს არ დააბრუნებდა შვილს არ ანახებდნენ. დაკავეულები წარდგენილ ბრალდებაში თავს უდანაშაულოდ მიიჩნევენ. ადვოკატი ამბობს, რომ ამ ოჯახებს კარგი ურთიერთობა ჰქონდათ ერთმანეთთან, შესაბამისად ბავშვი ხშირად იყო ბრალდებულების ოჯახში და მათ არანაირი მიზეზი არ ჰქონდათ, ბავშვი მძევლად აეყვანათ.შს სამინისტროს ინფორმაციით, მათ ბრალად სს კოდექსის 144-ე მუხლის მეორე ნაწილი, მძევლად ხელში ჩაგდება ედებათ. აღნიშნული ქმედება ცხრიდან 14 წლამდე თავისუფლების აღკვეთას ითვალისწინებს.