ნატახტარში მდებარე რესტორან "იმერულ ეზოში" 9 ადამიანი მოიწამლა. მოწამლულთა შორის ერთი არასრულწლოვანია, რომლებიც ინფექციურ საავადმყოფოში არიან მოთავსებული
სურსათის უვნებლობის სამსახურში კი ამბობენ, რომ სამსახური რესტორანში არაგეგმიურ ინსპექტირებას განახორციელებს და კანონით დადგენილი პროცედურებით იხელმძღვანელებს.
"14 წლის პაციენტმა კლინიკას მომართა გულის რევის შეგრძნებებით, ნაწლავთა არაამყარი მოქმედება და ცხელება. პაციენტი ამ ყველაფერს უკავშირებს საკვების მიღებას კერძოდ, ხინკალს და ქაბაბს, რომელიც მისმა ოჯახის წევრებმაც მიიღეს. ამ დროისათვის მდგომარეობა დამაკმაყოფილებელია"- აცხადებსს მორიგე ექიმი.
რესტორნის თანამშრომლები მოწამვლის ფაქტს უარყოფენ.