ენგურჰესი მუშაობას უახლოეს დღეებში განაახლებს. ამის შესახებ ენგურჰესის დირექტორთა საბჭოს თავმჯდომარემ ლევან მებონიამ თქვა. მებონიას განმარტებით, ავარია ერთ-ერთი იმ მილის დაზიანებამ გამოიწვია, რომელიც მაღალ წნევაზე მუშაობს. ინფორმაციას "ლიბერალი" ავრცელებს.
„გასკდა მაღალი წნევის ქვეშ არსებული მილი. შემოვიდა დიდი რაოდენობით წყალი. ახლა მდგომარეობა აღდგენილია, ამოტუმბულია წყალი. ველოდებით 15-კილომეტრიანი გვირაბის წყლით შევსებას , როგორც კი შეივსება, ჩავერთვებით ქსელში“, – განაცხადა მებონიამ.
24 მაისს ელექტროენერგია 20:11 საათზე შეიზღუდა. "ავარიულად გამოირთო ენგურჰესის ჰიდროელექტროსადგური, რამაც გამოიწვია ენერგოსისტემაში ელექტროენერგიის დეფიციტი, რის გამოც ქვეყნის რამდენიმე რეგიონს და თბილისის ნაწილს ელექტროენერგიის მიწოდება შეუწყდა.