პარალიზებული ცენტრალური ქუჩა ზუგდიდში და უშუქოდ დარჩენილი მოსახლეობა- ივანიშვილის ხის გადატანას არაერთი პრობლემა მოსდევს. [Video]

0
424
ზუგდიდიდან ბიძინა ივანიშვილის დენდროპარკში გადასარგავად იშვიათი ჯიშის დასავლური მუხის ტრანსპორტირება განხორციელდა.  აღმაშენებლის გამზირი, რომელიც ცენტრალური ქუჩაა, საღამოს 11 საათიდან პარალიზებული იყო. 95 ტონიანი ხის გადაზიდვა თვირთმზიდისთვის საკმაოდ რთული აღმოჩნდა. ხის გადასატანად რამდენიმე თვეა გზა გაყავთ საპატრულო პოლიციასთან მდებარე ქუჩით, თუმცა, როგორც ცნობილი გახდა, სპეციალურად დაგებულმა ბეტონის ფილებმა მძიმეწონიანი თვირთის გადატარება ვერ შეძლო. ხის ტრანსპორტირებამ სხვა პრობლემებიც შექმნა. საჭირო გახდა მაღალი ძაბვის გათიშვა, რის გამოც მთლიანად ქალაქს და ასევე 11 სოფელს ელ.ენერგია არ მიეწოდებოდა. ამ დრომდე ელ. ენერგიის გარეშეა დარჩენილი ქალაქის ზოგიერთი უბანი და რამდენიმე სოფელი. ხის გადატანის გამო ჩახსნილია შუქნიშნები და განადგურებულია ინფრასტრუქტურა. მიუხედავად იმისა, რომ წუხელ ხის ტრანსპორტირების პროცესში ასობით მუშა ჯგუფი და სხვადასხვა სამსახურები იყვნენ ჩართული, ტვირთმა დანიშნულების ადგილამდე ვერ მიაღწია, რაც ტვირთმზიდის დაზიანებამ გამოიწვია.
 
 

 

წინა სტატია“საქართველოს თასი 2018” -ის გათამაშება სპორტულ ცეკვებში ზუგდიდში გაიმართა
შემდეგი სტატიასაპარლამენტო უმრავლესობას დღეს ივანიშვილი სხდომაზე შეხვდება
ტელეკომპანია ოდიშის საინფორმაციო სამსახური