„საქართველოს თასი 2018“-ის  გათამაშება ორი ათეული წელია, რაც ტრადიციას არ ღალატობს და წელსაც აღნიშნული ჩემპიონატი ზუგდიდში, სამეგრელო – ზემო სვანეთის სამხარეო ასოციაციისა და საქართველოს ცეკვისა და სპორტული ცეკვის პროფესიონალთა ეროვნული საბჭოს ორგანიზებით ჩატარდა. ტურნირზე კატეგორიების მიხედვით წყვილებში და ინდივიდუალურ შეჯიბრებაში 300-მდე სპორტსმენი მთელი ქვეყნის მასშტაბით მონაწილეობდა. გარდა ამისა, რომ აღნიშნული ჩემპიონატი მასშტაბურია კონკურენციაც შესაბამისად მაღალია. ზუგდიდის მოსწავლე ახალგაზრდობის სასახლესთან არსებული სტუდია „ეზი“-ს სპორტსმენებმა წარმატებულად იასპარეზეს სხვადასხვა ასაკობრივ კატეგორიაში:

წყვილებში გამართულ შეჯიბრებაში პირველი ადგილები ლევან ქობალიამ და კესო ჯაბუამ, გურან ჭანტურიამ და ანი კვარაცხელიამ, ტატო და ვატა ჭკადუებმა აიღეს. მეორე ადგილი: ვატო და ტატა ჭჯადუა, ილო ვახანია და კესო მებონია, ილო ვახანია და ნინი როგავა. სოლო შესრულებაში პირველი ადგილის მფლობელები გახდნენ, ნინი არქანია, გვანცა ფარულავა, აზუკი ნარმანია, ანი დარსანია. მეორე ადგილები ანანო შამუგიამ და ნინი თორდიამ გადაინაწილეს, მესამე ადგილი თორდია სოფომ აიღო.