თბილისში და შიდა ქართლის რეგიონში ამოღებულია 3 246 კოლოფი უაქციზო სიგარეტი

0
461
საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ – სამძებრო ღონისძიებებისა და საგამოძიებო მოქმედებების შედეგად, თბილისში და შიდა ქართლის რეგიონში, დიდი ოდენობით, მარკირებას დაქვემდებარებული აქციზური საქონლის აქციზური მარკის გარეშე შენახვა – გადაზიდვის ოთხი ფაქტი გამოავლინეს. – ინფორმაციას ამის შესახებ  ფინანსთა სამინისტროს  ავრცელებს. 
 
, ,,გამოძიებით დადგინდა, რომ დანაშაულში მხილებული პირები, შემდგომი რეალიზაციის მიზნით, ახდენდნენ ე.წ. ელექტრო სიგარეტისათვის განკუთვნილი HEETS-ის ფირმის თამბაქოს ნაწარმის შენახვა-გადაზიდვას. საგამოძიებო მოქმედებების შედეგად, ჯამში ამოღებულია 3 246 კოლოფი უაქციზო სიგარეტი, რომლის საერთო საბაზრო ღირებულება 18 000 ლარს აღემატება. 
 
გამოძიება მიმდინარეობს საქართველოს სისხლის სამართლის კოდექსის მე-200 მუხლის პირველი და მეორე ნაწილებით, რაც სასჯელის სახით ითვალისწინებს თავისუფლების აღკვეთას 4-დან 6 წლამდე ვადით. – ნათქვამია საგამოძიებო სამსახურის ინფორმაციაში
წინა სტატია2019 წლიდან პედაგოგებს მიეცემათ შესაძლებლობა ონლაინ რეჟიმში გაიარონ ტრენინგი მათთვის სასურველ დროს და ადგილას
შემდეგი სტატიადღეს უკრაინის საკასაციო სასამართლომ მიხეილ სააკაშვილის ხელწერის ექსპერტიზა დანიშნა
ტელეკომპანია ოდიშის საინფორმაციო სამსახური