ოჯახის სიწმინდის დაცვის დღესთან დაკავშირებული მსვლელობის დაწყებამდე სამი პირი დააკავეს

0
464
ოჯახის სიწმინდის დაცვის დღესთან დაკავშირებული მსვლელობის დაწყებამდე  სამი პირი დააკავეს.
 
შინაგან საქმეთა სამინისტროს განცხადებით,  სამართალდამცველებმა, მსვლელობის დაწყებამდე „საქართველოს ეროვნული ერთობის“ 2 წევრი პოლიციაში გამოკითხვის მიზნით გადაიყვანა.
 
“შინაგან საქმეთა სამინისტროს თანამშრომლებმა 17 მაისს, თბილისში, ოჯახის სიწმინდისა და სიმტკიცის დაცვის დღესთან დაკავშირებული მსვლელობის დროს, მეტროსადგურების – “თავისუფლების მოედნისა“ და „ავლაბრის“ მიმდებარე ტერიტორიაზე, ორი პირი წვრილმანი ხულიგნობის და პოლიციისადმი დაუმორჩილებლობის ფაქტზე, ხოლო ერთი პირი წვრილმანი ხულიგნობის ფაქტზე, საქართველოს ადმინისტრაციულ სამართალდარღვევათა კოდექსის 166-ე და 173-ე მუხლებით დააკავეს.  სამართალდამცველებმა, მსვლელობის დაწყებამდე „საქართველოს ეროვნული ერთობის“ 2 წევრი პოლიციაში გამოკითხვის მიზნით გადაიყვანა“, – ნათქვამია სამინისტროს განცხადებაში.
 
. ამ დროისთვის პირველი სკოლის მიმდებარე ტერიტორიაზე იმყოფებიან „ქართული მისიის“ წევრები და მათი მხარდამჭერები. ისინი შსს-ს მოუწოდებენ, დროულად გაათავისუფლონ როგორც გია კორკოტაშვილი, ასევე სხვა პირები. 
 
 „ქართული მისიის“ წარმომადგენლები აცხადებენ, რომ „აღნიშნული დაკავება ერთგვარ გარიგებას უკავშირდება, რომელიც შს სამინისტროსა და რიგ არასამთავრობო ორგანიზაციებს შორის არსებობს“. 
 
წინა სტატიადღეს ქუთაისის აეროპორტში ოპერირება Wizz air-ის მეორე ბაზირებულმა თანამედროვე საჰაერო ხომალდმა დაიწყო
შემდეგი სტატიაგანათლება და კულტურა 100 წლის წინ (ზუგდიდი 100 წლის წინ ) [Video]
ტელეკომპანია ოდიშის საინფორმაციო სამსახური