წუხელ გვიან ღამით, ზუგდიდში იუსტიციის სახლის წინ 9 სართულიანი კორპუსების ერთ-ერთ სადარბაზოსთან ახალგაზრდა ქალი გაძარცვეს. თვითმხილველების ინფორმაციით, სამუშაოდან გვიან დაბრუნებულ ქალბატონს სადარბაზოს შესასვლელთან 2 ახალგაზრდა მამაკაცი დახვდა, რომლებმაც ქალს ფული მოთხოვეს და ჩანთაა წაართვეს. მეზობლები ყვებიან, რომ ისინი ყვირილის ხმამ გააღვიძა. „გვიანი იყო, მოგვესმა ყვირილი, რომ გამოვედით, უკვე გაქცეულები იყვნენ და ეს ქალი ყვიროდა ტიროდა, ჩანთა წამართვესო, მერე პოლიცია მოვიდა და დაკითხვაზე წაიყვანეს. ახლა არ ვიცით სად არის.“- უთხრა „ოდიშინიუსს ერთ-ერთმა მეზობელმა სოსელიამ. დაზარალებული სახლში არ იმყოფებოდა, მისი ჯიხური, სადაც ის მუშაობს და სიგარეტებს ყიდის, დილიდან დაკეტილია. მიმდებარედ მომუშავე ადამიანებმა მისი ძარცვის შესახებ არაფერი იციან.
შსს-ში „ოდიშინიუსს“ ზუგდიდში მომხდარ ფაქტზე ინფორმაცია დაუდასტურეს. უწყების ცნობით საქმე აღძრულია და გამოძიება სსკ 178-ე ძარცვის მუხლით მიმდინარეობს.