სახანძრო-სამაშველო სამსახურში შეტყობინება დღის მეორე ნახევარში შევიდა. სატელეფონო საუბარში უცნობმა სამსახურს მე-2 საჯარო სკოლაში ხანძრის შესახებ ინფორმაცია მიაწოდა. სახანძრო-სამაშველო სამსახურის ბრიგადები სკოლაში გამოძახებიდან რამდენიმე წუთში მივიდნენ, თუმცა შემოსული შეტყობინება არ დადასტურდა. სკოლის დირექტორი ნინო ბულია ამბობს, რომ ზარი სახანძროში სკოლიდან არ შესულა: „მე-5 გაკვეთილი იყო, როცა მოვიდნენ, დაათვალიერეს მთლიანად შენობა, შემოწმდა სხვენიც, თუმცა ინფორმაცია აღმოჩნდა არასწორის. ცრუ განგაში იყო. ვინ დარეკა ალბათ ამას გაარკვევენ.“ მე-2 საჯარო სკოლის დირექტორის თქმით, სკოლაში სასწავლო პროცესი არ შეწყვეტილა და ჩვეულებრივ გაკვეთილები გრძელდება. ნინო ბულიას თქმით, ასეთი ცრუ განგაში იყო დაახლოებით 2 თვის წინაც, როცა პატრული გამოიძახეს, თუმცა არ ეს დადასტურდა. სკოლის ერთ-ერთი მასწავლებლის  ვაჟა ესართიას თქმით, ეს პორველი შემთხვევა არ არის და ვინც ამას აკეთებს, უნდა მოეთხოვოს პასუხი : „ ბოლო 3 წლის მანძილზე ეს არის ცრუ განგაშის მერამდენე შემთხვევა, არ ვიცი ვინ აკეთებს ამას, მაგრამ უნდა გამოიძიონ და უნდა დაისაჯოს ამის ჩამდენი“- უთხრა „ოდიშინიუსს“ ვაჟა ესართიამ. მისი თქმით, როცა სახანძრო სამსახურის ბრიგადა მოვიდა, გაკვეთილს ატარებდა, თუმცა საგაკვეთილო პროცესი არ შეუწყვეტია. 

რტაც შეეხება შსს-ს უწყებაში განმარტეს, რომ შეტყობინება შევიდა, თუმცა ფაქტი არ დადასტურდა, შესაბამისად საქმეც არ აღძრულა.