მძღოლების თქმით, ზუგდიდში არალიცენზირებული კერძო ავტოსადგური გაიხსნა, რაც მათ მუშაობაზე უარყოფითად აისახება. „ეს არის გამაფრთხილებელი აქცია, მოგვხედოს ხელისუფლებამ, მოგვცეს მუშაობის საშუალება, დაარეგულიროს სიტუაცია, თორემ ჩვენ არ გავჩერდებით, ფეხით ჩავალთ თბილისში“- განუცხადა ოდიშინიუსს აქციის მონაწილე ერთ-ერთმა მძღოლმა მურმან ჩალაძემ. მისი თქმით, კერძო სადგურებს ლობირებს მერიის ავტოტრანსპორტის სამსახური, კერძოდ, ეს არის დავით ხუბუა. აქციის მონაწილეები ხელისუფლებას დახმარებას თხოვენ, წინააღმდეგ შემთხვევაში ფართომასშტაბიან აქციებს აანონსებენ.
რაც შეეხება მერია, ამ საკითხთან დაკავშირებით კომენტარს არ აკეთებენ, უწყებაში განმართავნ, რომ ეს კერძო ბიზნესის საკითხია და ნებართვებსაც ამაზე მერია არ გასცემს.
ამ წუთებში სადგურში 50-მდე მძღოლი იმყოფება. როგორც ირკვევა დილით სადგურიდან მხოლოდ 2 მიკროავტობუსი გავიდა თბილისის მიმართულებით. აქციის მონაწილეები პროფკავშირის სამსახურის წარმომადგენლებს ელოდებიან.