დავით სერგეენკოს პირველი მოადგილის პოსტს ზაზ ბოხუა დაიკავებს, ხოლო სოციალური სააგენტოს ხელმძღვანელის თანამდებობას – მიხეილ დუნდუა.ზაზა ბოხუა ჯანდაცვისა და სოციალური დაცვის სამინისტროში რამდენიმეწლიანი პაუზის შემდეგ ბრუნდება. მას ჯერ კიდევ „ნაციონალური მოძრაობის“ ხელისუფლებაში ყოფნის დროს ეკავა მინისტრის მოადგილის თანამდებობა.რაც შეეხება მიხეილ დუნდუას, იგი პროფესიით ეკონომისტია, ახალგაზრდა ექსპერტია და ბიძინა ივანიშვილის სიმპატიით სარგებლობს.როგორც ცნობილია, ეს საკადრო ცვლილებები მას შემდეგ გახორციელდა, რაც ზაზა სოფრომაძემ ჯანდაცვისა და სოციალური დაცვის სამინისტრო დატოვა. სოფრომაძე სოციალური სააგენტოსაც ხელმძღვანელობდა და მინისტრის პირველი მოადგილის თანამდებობაც ეკავა.