დავით საგანელიძე "ქართული ოცნების" პოლიტსაბჭოს ტოვებს. საგანელიძის თქმით, ის უკვე ორ წელზე მეტია რაც მსხვილ საფინანსო უწყებას ხელმძღვანელობს, შესაბამისად პარტიის მუშაობასა და გადაწყვეტილებების მიღებაში აღარ მონაწილეობს.„ფორმალურად პოლიტ საბჭოში ყოფნა ორი წლის განმავლობაში არ ნიშნავს პოლიტიკაში ყოფნას. მე მინდა განვაცხადო,რომ ამ პერიოდის განმავლობაში რაც მე ფონდს ვხელმძღვანელობ არც ერთი პოლიტიკური გადაწყვეტილება მე პირადად არ მიმიღია და არც იქნებოდა სწორი. მე ვხელმძღვანელობ ქვეყნის უმსხვილეს საფინანსო ინსტიტუტს და მიმაჩნია რომ საფინანსო ინსტიტუტის ხელმძღვანელი აპოლიტიკური უნდა იყოს,“-განაცხადა დავით საგანელიძემ და აღნიშნა, რომ აუცილებელია პოლიტსაბჭოს განახლება მოხდეს ახალი სახეებით.