სხდომის გადადების შემდეგ „ერთიანი ნაციონალური მოძრაობის“ რეგიონული ორგანიზაციის თავმჯდომარემ მურთაზ ზოდელავამ ჟურნალისტებთან კომენტარი გააკეთა: „ჩვენ აქ მოვედით კონკრეტული პრობლემებით, აქ მოსულია რუხის მოსახლეობა, რომელიც ითხოვს თავიანთი ყანების დაცვას დავით შენგელიასგან და მეორე განმუხურის გაზიფიცოირების პრობლემა, რომელიც აწუხებს მოსახლეობას და არავინ გამკითხავი არაა. ჩვენ ვითხოვთ, რომ საკრებულომ მოუსმინოს ხალს, მაგრამ მათ არ აინტერესებთ ხალხის მოსმენა, აი, შედეგი რაც არის. მათ აინტერესებთ მხოლოდ ხელფასები და თავიანთ კეთილდღეობა“- განაცხადა მურთაზ ზოდელავამ, რომელიც დღევანდელ სხდომას მოსახლეობასთან ერტად ესწრებოდა. სხდომის დასაწყისშივე მან მოითხოვა საკითხების გადანაცვლება, რასაც სხდომაზე ხმაური და დაპირისპირება მოყვა. ამის შემდეგ მიიღო გადაწყვეტილება საკრებულოს თავმჯდომარის მოვალეობის შემსრულებელმათაზო ფაცაციამ სხდომა 5 საათამდე გადაედო.
“ზუგდიდის საკრებულო ხალხს არ უსმენს, მათ მხოლოდ თავიანთი ხელფასები აინტერესებთ”- მურთაზ ზოდელავა [Video]
Published on