საკრებულოს სხდომა დაწყებისთანავე გადაიდო დღის 5 საათამდე.გადაწყვეტილება ამის შესახებ საკრებულოს თავმჯდომარის მოვალეობის შემსრულებელმა თაზო ფაცაციამ მიიღო. „ერთიანი ნაციონალური მოძრაობის“ წევრები და მხარდამჭერები აპროტესტებენ საკრებულოში ენმ-ს ყოფილი წევრის გელა თოლორაის შესაძლო დასწრებას, ერთ-ერთი მხარდამჭერის თქმ,ით, თოლორაიას, რომელიც მათი ხმების მიცემის შედეგად გახდა დეპუტატი, სხდომაზე დასწრების უფლებას არ მისცემენ. ასევე ხმაური გამოიწვია ენმ-ს რეგიონული ორგანიზაციის თავმჯდომარის მიერ წინადადაბამ იმის შესახებ, რომ სხდომაზე მოესმინათ ხალხისთვის და რადგან მოქალაქეები ესწრებოდნენ ამ სხდომას,მომხდარიყო საკითხების გადანაცვლება და მოსახლეობას დაესვა შეკითხვები, რაზეც კატეგორიული უარი განაცხადა საკრებულოს თავმჯდომარის მოვალეობის შემსრულებელმა თაზო ფაცაციამ. ხმაური და დაპირისპირება საკრებულოს წევრებს შორის რამდენიმე წუთს გაგრძელდა,რის გამოც ფაცაციამ სხდომის გადადების გადაწყვეტილება მიიღო. დღევანდელი სხდომა 17:00 საათზე განახლდება.