გალში ინციდენტების პრევენციისა და მათზე რეაგირების მექანიზმის სამუშაო ჯგუფების მორიგი შეხვედრა მიმდინარეობს..
შეხვედრის წინ ენგურის ხიდზე კომენტარი გააკეთა სახელმწიფო უსაფრთხოების სამსახურის ანალიტიკური დეპარტამენტის უფროსის მოადგილემ ირაკლი ანთაძემ.
მისი განცხადებით, დღევანდელ შეხვედრაზე აუცილებლად დააყენებენ 2016 წლის 19 მაისს ხურჩაში მოკლული გიგა ოთხოზორიას საქმეს, ასევე განიხილავენ ბოლო ერთი თვის განმავლობაში მომხდარ ყველა ფაქტს, იმსჯელებენ საოკუპაციოს საზღვრის კვეთისთვის დაკავებული პირების გათავისუფლებასა და ადამიანის უფლებების მხრივ არსებილ ვითარებაზე.
„განხილული იქნება უკანასკნელი ერთი თვის განმავლობაში განვითარებული მოვლენები. დადგება საკითხი 2016 წლის 19 მაისს საქართველოს მოქალაქის გიგა ოთხოზორიას სასტიკ მკვლელობასთან დაკავშირებით. ასევე იქნება განხილული პროცესების მიმდინარე დინამიკა,“- განაცხადა სუს-ის საინფორმაციო ანალიტიკიური დეპარტამენტის დირექტორის მოადგილემ ირაკლი ანთაძემ.