სომხეთის პრემიერ-მინისტრი სერჟ სარგსიანი გადადგა

0
430
სომხეთის პრემიერ-მინისტრი სერჟ სარგსიანი გადადგა. ამის შესახებ ნათქვამია მის მიერ გავრცელებულ განცხადებაში. 
 
ნიკოლ ფაშინიანი მართალი იყო. მე შევცდი, – ამის შესახებ ნათქვამია სომხეთის პრემიერ-მინისტრის, სერჟ სარგსიანის განცხადებაში, რომელიც პოსტიდან მის გადადგომას ეხება. 
 
„შექმნილი სიტუაციიდან არსებობს რამდენიმე გამოსავალი. თუმცა, მე არც ერთ მათგანს არ ავირჩევ. ეს ჩემი არ არის. ვტოვებ პრემიერ-მინისტრის თანამდებობას. ქუჩის მოძრაობა ჩემი დანიშვნის წინააღმდეგია. მე ვასრულებ თქვენს მოთხოვნას: მშვიდობას და ჰარმონიას ვუსურვებ ჩვენს ქვეყანას", – ნათქვამია სერჟ სარგსიანის განცხადებაში.
 
რადიკალური ოპოზიცია სომხეთში 13 აპრილიდან მასობრივ აქციებს იმის გამო ატარებს, რომ ქვეყნის პრემიერ-მინისტრის თანამდებობაზე ყოფილი პრეზიდენტის სერჟ სარგსიანის კანდიდატურა წარადგინეს. აქციების მიუხედავად, 17 აპრილს სომხეთის პარლამენტმა სარგსიანი პრემიერ-მინისტრად აირჩია, აქციის ორგანიზატორმა ნიკოლ ფაშინიანმა კი განაცხადა, რომ „ხავერდოვან რევოლუციას“ იწყებს.
 
 

წინა სტატია,,აცერით და დაიცავით თქვენი შვილები” – აცხადებს პარლამენტის ჯანდაცვის კომიტეტის თავმჯდომარე აკაკი ზოიძე
შემდეგი სტატიათბილისის საქალაქო სასამართლოს განცხადება საქართველოს თავდაცვის ყოფილი მინისტრის ბაჩანა ახალაიას და მისი მოადგილის ნიკოლოზ ძიმცეიშვილის საქმესთან დაკავშირებით
ტელეკომპანია ოდიშის საინფორმაციო სამსახური