ღარიბების მდიდარი სახელმწიფო – 26 მაისის ღონისძიებისთვის მომზადება თავდაცვის სამინისტროს 1.32 მილიონი დაუჯდება

0
407
 26 მაისის ღონისძიებისთვის მომზადება თავდაცვის სამინისტროს 1.32 მილიონი დაუჯდება. ამის შესახებ gbc.ge წერს.
 
უწყება საჭირო მომსახურებების გამარტივებულად შესყიდვას ითხოვს, რასაც ღონისძიებამდე დარჩენილი მცირე დროით ხსნის და მიიჩნევს, რომ 26 მაისამდე არსებულ პერიოდში შეუძლებელია განხორციელდეს ელექტრონული ტენდერით შესყიდვა.
 
26 მაისს თავდაცვის სამინისტროს რამდენიმე ღონისძიება აქვს გასამართი: თბილისსა და საქართველოს 5 ქალაქში ფიცის დადების ღონისძიება, გახმოვანების და მონიტორების უზრუნველყოფა, თავისუფლების მოედანზე ტრიბუნების და სცენის მოწყობა. შეიარაღებისა და ჯავშანტექნიკის გამოფენა, ასევე 2 საგამოფენო სივრცის მოწყობა.
 
დიზაინერის, სცენარისტის, რეჟისორის, წამყვანის მომსახურების შესყიდვა, საქართველოს სახელმწიფო ჰიმნის სტუდიური ჩაწერა და შესრულება, ასევე შეიარაღებული ძალების სიმღერის შესრულება თავისუფლების მოედანზე და სხვადასხვა მატერიალური საქონლის შესყიდვა, – ამ და სხვა მომსახურებებში უნდა დაიხარჯოს 1.3 მილიონზე მეტი. ცნობილია ისიც, რომ  ხელშეკრულებების ნაწილი გაფორმდება არარეზიდენტ კომპანიებთან, უცხოურ ვალუტაში.
წინა სტატიაპრეზიდენტი გიორგი მარგველაშვილი ჰიბრიდულ, პროპაგანდისტულ და საინფორმაციო ომზე ჩვენი ქვეყნის წინააღმდეგ
შემდეგი სტატიაგაზაფხულის წვიმები საქართველოში
ტელეკომპანია ოდიშის საინფორმაციო სამსახური