,,უფალო, შენ ვინც გიყვარს, ავადაა” – ღმერთი მოვა, ხმობა უნდა ღმერთს… საკუთარ სულში

0
562
დღეს ლაზარეს შაბათია. რა მოხდა ბეთანიაში და რა დგას ლაზარეს აღდგინების მიღმა? :  ღმერთი მოვა, ხმობა უნდა ღმერთს… საკუთარ სულში.
 
უფალო, შენ ვინც გიყვარს, ავადაა – ეს ამბავი გაატანეს მაცხოვართან  ლაზარს დებმა  მართამ და მარიამმა,  მაგრამ იგი მხოლოდ ლაზარეს გარდაცვალების შემდეგ ჩავიდა ბეთანიაში, სადაც  იმედით უხმობდნენ.   ლაზარე უკვე აკლდამაში განისვენებდა,  იესოს მართა შეეგება, მარიამი კი სახლში იმყოფებოდა. მართამ უთხრა მაცხოვარს: შენ რომ აქ ყოფილიყავი, ლაზარე არ მოკვდებოდაო. მართამ იცოდა, უფალს ძალუძდა მისი ძმის მკვდრეთით აღდგენამ, მაგრამ   პირდაპირ ვერ თხოვა ეს   და ასე მიმართა იესოს: მე მჯერა, რასაც სთხოვ ღმერთს, მოგცემს იგი. უფალმა კი უპასუხა, რომ თავად ის იყო ყოველთათვის სიცოხლე: “მე ვარ აღდგომა და სიცოცხლე. ვინც მე მიწამებს, კიდეც რომ მოკვდეს, იცოცხლებს. ყველა, ვინც ცოცხალია და ჩემი მორწმუნეა, არ მოკვდება უკუნისამდე”.
 
მარიამმა შეიტყო რა უფლის მოსვლა, უმალ გაემართა მისკენ, იესოც მას ელოდა, რათა სასაფლაოსკენ წასულიყვნენ. იუდეველები მარიამს გაჰყვნენ, რადგან ეგონათ, რომ იგი საფლავზე მიდიოდა. მარიამი კი მივიდა იმ ადგილას, სადაც მაცხოვარი ელოდა.
იესომ დაინახა, როგორ ტიროდა იგი და მასთან ერთად მისული იუდეველები. უფალიც აცრემლდა.
 
მივიდა 4 დღის დაფლულ ლაზარეს საფლავთან, რომელსაც ლოდი ჰქონდა მიფარებული, მსახურებს გადააგორებინა და მიმართა გარდაცვლილს: ლაზარე, გამოდი!
 
მართალი ლაზარე გამოვიდა მიცვალებულის სუდარაში შეხვეული – ხელფეხშეკრული. აღესრულა ორი სასწაული: მკვდრის აღდგომა და ხელფეხშეკრულის უფლის სიტყვისამებრ საფლავიდან გამოსვლა. მაშინ მაცხოვარმა უბრძანა მსახურებს, გაეთავისუფლებინათ სუდარისაგან ლაზარე.
 
აღსდგა ლაზარე ისეთივე სხეულით, როგორიც ჰქონდა.
ლაზარეს მკვდრეთით აღდგინების სასწაულმა მრავალი იუდეველი მოაქცია ქრისტეს სარწმუნოებაზე.
 
მკვდრეთით აღდგომის შემდეგ ლაზარემ კიდევ 30 წელი იცხოვრა. უფლის ნებით იგი კვიპროსის ეპისკოპოსი გახდა და იქვე მშვიდობით მიიცვალა.
 
ეპისკოპოს ლაზარეს წმიდა ნაწილები კიტეაში იქნა დასვენებული. ბიზანტიის იმპერატორის – ლეონ ბრძენის ბრძანებით, 898 წელს სიწმიდე კონსტანტინოპოლში გადაასვენეს და მართალი ლაზარეს სახელობის ტაძარში მიუჩინეს ადგილი.
 
ლაზარეს 2 საფლავი არსებობს: ბეთანიასა და კვიპროსზე.
საქართველოში მართმადიდებლური ეკლესია ლაზარეს შაბათს განსაკუთრებულად ზეიმობს.
 
საეკლესიო წესით, ლაზარეს შაბათი და ბზობის დღესასწაული თევზით ხსნილია.
წინა სტატიაძალიან მნიშვნელოვანად მიმაჩნია, რომ ზვიად გამსახურდიას გარდაცვალებაზე ბუნდოვანება და კითხვები არ დარჩეს – აცხადებს გიორგი მარგველაშვილი
შემდეგი სტატიაოკუპირებულ აფხაზეთში ქართული პროდუქციის შეტანა აიკრძალა , სანამ იქ ფაროსანა და სხვა, ფაროსანაზე უარესი, არ ამოწყდება
ტელეკომპანია ოდიშის საინფორმაციო სამსახური