,, ეს არის საზოგადოებრივი წნეხის შედეგად მიღებული დაგვიანებული, მაგრამ სწორი გადაწყვეტილება” – ოპოზიცია საქართველოდან რუსი დიპომატის გაძევებას ეხმაურება

0
452
საქართველოს საგარეო საქმეთა სამინისტროს გადაწყვეტილებას, რომელის მიხედვითაც ქვეყანა რუს დიპლომატს აძევებს, ოპოზიცია სწორ ნაბიჯად აფასებს.
 
„ნაციონალურ მოძრაობაში“ აცხადებენ, რომ ჯანელიძის უწყებამ გადაწყვეტილება ზეწოლის შემდეგ მიიღო და ის სწორი, თუმცა დაგვიანებულია.
 
„ეს არის სიმბოლური პოლიტიკური აქტი. ეს არის სწორი ქმედება, მაგრამ ის მოჰყვება საქართველოს საგარეო საქმეთა მინისტრის განცხადებას, რომელმაც რუსული ნარატივი გაიზიარა, როდესაც შეაფასა მოვლენები, რომელიც განვითარდა ბრიტანეთში. ეს არის სწორი ნაბიჯი, თუმცა დაგვიანებული. ეს არის იმ საზოგადოებრივი წნეხის შედეგი, რაც ჩვენ ვიხილეთ და ამას უნდა მოჰყვეს სხვა ნაბიჯები, როგორიც არის რუსეთის წინააღმდეგ სანქციები,“- აცხადებს „ნაციონალური მოძრაობის“ ერთ-ერთი ლიდერი, თინათინ ბოკუჩავა.
 
დღეს საქართველოს საგარეო საქმეთა სამინისტრომ გაავრცელა ინფორმაცია, რომ  საქართველო რუს დიპლომატს აძევებს. 
 
განცხადებაში აღნიშნულია, რომ საგარეო უწყება გმობს გაერთიანებული სამეფოს ტერიტორიაზე ქიმიური იარაღის გამოყენების ფაქტს, რამაც გამოიწვია სამი ადამიანის ჯანმრთელობის მძიმე დაზიანება და სერიოზული საფრთხე შეუქმნა სხვა ადამიანების სიცოცხლესა და ჯანმრთელობას.
და  წარმოადგენს სერიოზულ გამოწვევას საერთო უსაფრთხოებისთვის.
 
"სამინისტრო გამოხატავს სოლიდარობას გაერთიანებული სამეფოსადმი, იზიარებს გაერთიანებული სამეფოსა და საერთაშორისო საზოგადოების პოზიციას აღნიშნულ საკითხთან დაკავშირებით და შესაბამისად, მიუღებელ პიროვნებად აცხადებს საქართველოში შვეიცარიის კონფედერაციის საელჩოს რუსეთის ინტერესების სექციის თანამშრომელს და მოითხოვს მის მიერ საქართველოს დატოვებას 7 დღის ვადაში,"- აღნიშნულია საგარეო უწყების განცხადებაში

წინა სტატიასუნთქვას ნუ შეიკრავთ, კვირიკაშვილი არსად წასვლას არ აპირებს, ოლიგარქის ბრძანებით თავიანთი ადგილებიდან ჯერ მხოლოდ ხეები მიდიან
შემდეგი სტატია11 წლის საბა ჩახაია უმძიმეს ავადმყოფობას ებრძვის- ოჯახი დახმარებას ითხოვს
ტელეკომპანია ოდიშის საინფორმაციო სამსახური