ზუგდიდში, ჭავჭავაძის ქუჩაზე ნაპოვნი პოლიეთილენის პარკში გახვეული ჩვილი, სოციალური მუშაკების მეშვეობით, გადაუდებელი მინდობითი აღზრდით მიმღებ ოჯახს გადაეცემა.
მანამდე ის ზუგდიდის საავადმყოფოში იმყოფება, სადაც სამედიცინო გამოკვლევები ჩაუტარდა. ექიმების ცნობით, ბავშვის მდგომარეობა დამაკმაყოფილებელია, ის თავს კარგად გრძნობს. მომხდართან დაკავშირებით გამოძიება სისხლის სამართლის კოდექსის 127-ე მუხლით მიმდინარეობს, რაც ჩვილის სიცოცხლისთვის საშიშ მდგომარეობაში ჩაყენებას გულისხმობს. სასჯელი ჯარიმას ან ორ წლამდე თავისუფლების აღკვეთას ითვალისწინებს.