პრეზიდენტ მიხეილ სააკაშვილის ადვოკატებმა ადამიანის უფლებათა ევროპულ სასამართლოში სარჩელი შეიტანეს

0
436
საქართველოს ყოფილი პრეზიდენტის მიხეილ სააკაშვილის ადვოკატებმა ადამიანის უფლებათა ევროპულ სასამართლოში სარჩელი შეიტანეს. 
სარჩელი იხეილ სააკაშვილის უკრაინიდან გაძევებას ეხება.
 
,,დაცვის მხარე გაასაჩივრებს დაკავების ფაქტს და უკრაინიდან მიხეილ სააკაშვილის გაძევებას.  იგი შევიტანეთ იმასთან დაკავშირებით, რომ მიხეილ სააკაშვილთან მიმართებაში, მისი დაკვების დროს სასტიკ მოპყრობას ჰქონდა ადგილი. ხელისუფლების არაკანონიერი ქმედებებით სააკაშვილს ფაქტობრივად უფლება ჩამოერთვა თავისი ინტერესები დაეცვა უკრაინის სასამართლოებში“,”, – აღნიშნა ადვოკატმა რუსლან ჩერნოლუცკიმ.  
 
შეგახსენებთ, რამდენიმე დის წინ უკრაინის პროკურატურამ მიხეილ სააკაშვილის წინააღმდეგ გამოძიება შეაჩერა. როგორც პროკურატურაში განმარტეს, ,,გამოძიების შეჩერება საერთაშორისო თანამშრომლობის ფარგლებში, პროცესუალური ქმედებების შესრულების აუცილებლობამ გამოიწვია.''
 
თავად პრეზიდენტი მიხეილ სააკაშვილი აცხადებს, რომ სამარცხვინოა  უკრაინის ხელისუფლების მოქმედება და ის გაყალბებული საქმე,   რომელიც მათ ახლა შეაჩერეს.
 
„უკრაინის ხელისუფლებას უნდა რცხვენოდეს და არა მხოლოდ მათ, არამედ იმ ფსევდოოპოზიციონერებსაც, რომლებიც სამარცხვინოდ დუმდნენ, როდესაც ცილი დამწამეს, ციხეში ჩამაგდეს და სასამართლოებში მათრევდნენ. ზუსტად ასეთ ყალბ ოპოზიციონერებზე დგანან ბარიგები“, – განაცხადა მან.
 
საქართველოს ყოფილმა პრეზიდენტმა ასევე მოითხოვა მას საშუალება მისცენ უკრაინაში დაბრუნდეს.
 
„მოვითხოვ უკრაინაში დაბრუნების საშუალება მომცენ, რათა თავი დავიცვა ბოლომდე. შემდეგ კი ლუცენკოს, უკრაინის უსაფრთხოების სამსახურის ხელმძღვანელობის და დამნაშავე პროკურორებისა და მოსამართლეების ციხეში ჩასმას შევეცდები“, – დასძინა მიხეილ სააკაშვილმა. 
 
წინა სტატიაროგორ აღმოჩდა დიმა ბილანი ბათუმში ანუ როცა მარჯვენამ ,,არ იცის” რას აკეთებს მარცხენა
შემდეგი სტატიაგუდაურში სამაშველო და სასწრაფო ბრიგადებია მობილიზებული
ტელეკომპანია ოდიშის საინფორმაციო სამსახური