ირაკლი ოქრუაშვილი იქცა ხელისუფლების ტაბელურ მოწმედ, რომელიც ამჯერად ვანო მერაბიშვილს წინააღმდეგ იძლევა ჩვენებას

0
397
თავდაცვის ყოფილი მინისტრი ირაკლი ოქრუაშვილი ადასტურებს, რომ  ნათქვამი აქვს,  შანსს არ გავუშვებ  რომ  „მიხეილ სააკაშვილი გავანადგუროო''. 
 
. ეს ნიშნავს, რომ ვითანამშრომლებ გამოძიებასთან. ეს არაერთხელ მაქვს დაფიქსირებული. აქ არ იგულისხმება რომ მანიპულაციას ვაპირებ“, – განაცხადა ირაკლი ოქრუაშვილმა. 
 ირაკლი ოქრუაშვილი საქალაქო სასამართლოში, ვალერი გელაშვილის ცემის საქმეზე მოწმის სახით დაიკითხა. როგორც მან   სასამართლო სხდომის დასრულების შემდეგ ჟურნალისტებს განუცხადა, თავის დროზე მიხეილ სააკაშვილმა ნიშნის მოგებით უთხრა, რომ ის რაც მან ვერ გააკეთა,  კარგად შეასრულა ვანო მერაბიშვილმა. ,, მე მერაბიშვილი არ მყავდა მითითებული წინასწარი გამოძიების დროს მიცემულ ჩვენებისას, ამას ჩემი სუბიექტური დამოკიდებულებით ვხსნი, – განაცხადა  ირაკლი ოქრუაშვილმა 

 
საქართველოს ყოფილი პრეზიდენტის, მიხეილ სააკაშვილის ადვოკატის გიორგი ჩივიაშვილის შეფასებით, ირაკლი ოქრუაშვილის ნათქვამი არ არის სარწმუნო სხვადასხვა გარემოებების გამო. კერძოდ, გიორგი ჩივიაშვილის თქმით, ირაკლი ოქრუაშვილს საგამოძიებო უწყებაში დაკითხვის დროს ნახსენები არ ჰყავს მიხეილ სააკაშვილთან შეხვედრის დროს ვანო მერაბიშვილი, თუმცა დღევანდელ პროცესზე ირაკლი ოქრუაშვილმა ვანო მერაბიშვილზეც ისაუბრა. ირაკლი ოქრუაშვილი გადაიქცა ტაბელურ მოწმედ, რომელიც ხელისუფლებას დაყავს ყოფილი ხელისუფლების მაღალი თანამდებობის პირების პროცესებზე, – ამის შესახებ საქართველოს ყოფილი პრეზიდენტის, მიხეილ სააკაშვილის ადვოკატმა გიორგი ჩივიაშვილმა სასამართლო სხდომის დასრულების შემდეგ ჟურნალისტებთან საუბრისას განაცხადა. 
 
. ეს ადამიანი, ნინო ბურჯანაძე და კიდევ სხვები, რომლებიც საჯაროდ აცხადებდნენ, რომ შანსს არ გაუშვებდნენ მიხეილ სააკაშვილის და „ნაციონალური მოძრაობის“ გასანადგურებლად, ღიად აძლევენ ჩვენებებს ზუსტად ამ ადამიანების წინააღმდეგ. ჩვენ გვაქვს მასკარადი. ირაკლი ოქრუაშვილს გამოძიებაში საერთოდ არ ჰყავს ნახსენები მიხეილ სააკაშვილთან შეხვედრისას ვანო მერაბიშვილი და დღეს უცებ აღმოჩნდა საპირისპირო. ამ ადამიანის ჩვენება ნაკლებად სარწმუნოა“, – განაცხადა გიორგი ჩივიაშვილმა. 
 
ოქრუაშვილმა აღნიშნა, რომ მას გამოძიების ეტაპზე ჩვენებები მშრალად აქვს მიცემული და შემდეგ მოხდა მათი განვრცობა. ოქრუაშვილმა ჩვენების მიცემის პერიოდიც გაიხსენა. 
 
„მე გამოძიებისთვის არასდროს მიმიცია ურთიერთგამომრიცხავი ჩვენება, მე ვთქვი, რომ ჩემი ჩვენებები ამ საქმეში იყო მშრალი, იმის გამო, რომ მაშინ როდესაც ვალერი გელაშვილი კარიბის კუნძულებზე ისვენებდა, მე გლდანის ციხეში უნდა მიმეცა ჩვენება. სუბიექტური დამოკიდებულებიდან გამომდინარე, პროკურორს ვუთხარი, რომ ჯერ დაეკითხათ გელაშვილი და შემდეგ ჩემთან მოსულიყვნენ“, – განაცხადა ირაკლი ოქრუაშვილმა. 
 
წინა სტატიააფხაზეთში ე.წ. საზღვრის უკანონო გადაკვეთის ბრალდებით საქართველოს მოქალაქე დააკავეს.
შემდეგი სტატიამეტროსადგურ „დიდუბეში“ მატარებელი მამაკაცს დაეჯახა
ტელეკომპანია ოდიშის საინფორმაციო სამსახური