კიევში, დღეს პარლამენტის შენობასთან მომიტინგეებსა და სამართალდამცველებს შორის შეტაკებების დროს პოლიციამ 50 ადამიანი დააკავა. ამის შესახებ ტელეარხ „112 უკრაინას“ ეთერში კიევის პოლიციის უფროსმა ანდრეი კრიშჩენკომ განაცხადა
.„არსებული ინფორმაციით, ექიმებს ექვსმა მომიტინგემ მიმართა. დაშავებულია პოლიციის 4 თანამშრომელი. საერთო ჯამში დაკავებულია 50 ადამიანი“, – განაცხადა კრიშჩენკომ.
უკრაინის შსს-ს ინფორმაციით, დღეს დილით პოლიცია კარვების ქალაქში საგამოძიებო ქმედებებისა და ჩხრეკის ჩასატარებლად მივიდა, თუმცა მომიტინგეებმა მათ წინააღმდეგობა გაუწიეს.
