კიევის სააპელაციო სასამართლომ მიხეილ სააკაშვილის თანაგუნდელი სევერიონ დანგაძე პატიმრობაში დატოვა. ინფორმაციას ამის შესახებ უკრაინის გენერალური პროკურორის პრესმდივანი ლარისა სარგანი სოციალურ ქსელ „ფეისბუქში“ ავრცელებს.
სამართალდამცველებმა „ახალი ძალების მოძრაობის“ ერთ-ერთი ლიდერი სევერიონდანგაძე 2017 წლის 4 დეკემბერს დააკავეს. მას ბრალად ედება სახელმწიფო ღალატი და ორგანიზებული დანაშაულებრივი დაჯგუფების წევრებთან თანამშრომლობა.
6 დეკემბერს დანგაძეს სასამართლომ 60-დღიანი წინასწარი პატიმრობა შეუფარდა. 29 იანვარს კი, მას წინასწარი პატიმრობის ვადა კიდევ 60 დღით გაუხანგრძლივეს.