ოკუპირებული ცხინვალის ტერიტორიაზე გარდაცვლილი არჩილ ტატუნაშვილის ცხედარს სავარუდოდ დღეს შუადღისას გადმოასვენებენ.გუშინ ცნობილი გახდა, რომ ცხედრის გადმოსვენებაზე მოლაპარაკებების პროცესში ჟენევის ფორმატში მონაწილე დიპლომატები ჩაერთვნენ. სწორედ მათი ზეწოლით უნდა მოხდეს დღეს, დღის მეორე ნახევარში ტეტუნაშვილის გადმოსვენება.არჩილ ტატუნაშვილი 22 თებერვალს დილით ახალგორიდან გაიტაცეს, 23 თებერვალს, გამთენიისას კი, დეფაქტო ცხინვალის ინფორმაციით, ის სუნთქვის უკმარისობით გარდაიცვალა. ტატუნაშვილთან ერთად დაკავებული ორი მოქალაქე, ლევან ქუტაშვილი და იოსებ პავლიაშვილი ცხინვალის ციხიდან გაათავისუფლეს, თუმცა ჯერ კიდევ ოკუპირებულ ტერიტორიაზე არიან.